Гоце Трајчев: Започна одредено намалување на цените на месото, но голем број компании не добија договори од ЕСМ

Добивај вести на Viber

Гоце Трајчев, претседателот на Групацијата за преработка на месо и производи од месо, денеска пред медиумите објави дека не може да се очекува значајно поевтинување во оваа индустрија, затоа што голем дек од компаниите се одбиени од ЕСМ за одбиени за субвенционирана електрична енергија, а на добар дел од нив договорите се уште не им се доставени.

- Мерката очекувавме дека е јасна и определена, сите компании очекуваа дека целата работа е завршена со поднесување на документацијата. Вчера и завчера дел од нив биле одбиени без објаснување за причините, а заедничко за сите нив е што имаат фотонапонски панели, а се работи за десетина компании, изјави Трајчев.

Од комората велат дека проблемот е системски, односно дека поради законската регулатива, ЕСМ не може да им испорача електрична енергија на некои компании, како што беше предвидено, од 80 евра за мегаватчас. Од таму очекуваат проблемот да биде надминат наскоро.

Трајчев, како одговор на новинарско прашање, проценува дека од денеска се намалени цените на 50-тина производи од оваа индустриска дејност.

- Од денеска имаме намалување во просек за 5 отсто, пред се кај домашното свежо свинско месо, но сега се усложнија работите и не знаеме до кога тоа ќе трае. Во иднина намалувањето на пилешкото ќе биде и над 5 отсто поевтино, но телешкото засега не, одговори Трајчев.

Тој додаде дека компаниите не може да направат брзи проценки за намалувањето на цените затоа што се уште не се добиени договорите од ЕСМ. Поевтинувањето датумски ќе зависи од тоа за каков тип на процес на производство се работи.

ЕСМ претходно објави дека компаниите ќе ги добијат договорите во наредниот период.