Добивај вести на Viber
Заради намалено производство за украинскиот и рускиот пазар, фабриката на Горење во Ваљево отпушти 400 работници. До отказите дошло заради намалено производство на фрижидери и замрзнувачи за украинскиот и рускиот пазар, заради што биле откажани најголем дел од испораките.
Ова е главната причина за отпуштањето на 400 луѓе кои работеле на определено време во погонот на словенечката фирма Горење во српскиот град Ваљево.
Во управата на Горење тврдат дека испораката на фрижидери и замрзнувачи за пазарот на ЕУ продолжува.
Погонот на Горење во Ваљево беше отворен минатата година. Во него веднаш беа вработени 400 луѓе, а за секој вработен српската држава на словенечката компанија и даде по 10.000 евра субвенции. Исто така, локалните власти го ослободија Горење од плаќање на локалните такси и надоместоци за период од 10 години.