Вооружен грабеж во НЛБ во Ѓорче Петров, клиентите и вработените безбедни
Објавено во: Македонија 17 Јануари, 2020
Утринава во експозитурата Ѓорче Петров на НЛБ Банка се случи вооружен грабеж. Сите клиенти кои се затекнаа во експозитурата, како и вработените на Банката се безбедни и се во добра состојба, известија денеска од НЛБ Банка.
Оттаму додаваат дека во овој момент, претставници на Банката се во постојан контакт со клиентите и вработените кои биле присутни во експозитурата, ставајќи ја нивната безбедност и нивното здравје во преден план.
„Паралелно, Банката соработува со надлежните органи за брзо и ефикасно решавање на случајот, како и утврдување на висината од направената штета, за што ќе ја известиме јавноста дополнително, велат од НЛБ.