Градежниот балон се дува со кредити, ќе се продадат ли сите изградени станови?

Добивај вести на Viber

Но, ако се земат предвид податоците на агенциите за недвижности, според кои, во моментот има стагнација на пазарот на недвижности, а становите и покрај намалените цени слабо се продаваат, оправдано се поставува прашањето дали намалената продажба може да им направи финансиски проблеми на компаниите кои пак можат да се одразат врз навременото сервисирање на обврските? Лани 31% од новоизградените станови останале непродадени Само во втората половиона од лани, бројот на нови станови се зголемил за 19% во споредба со првата половина, пишува во најновиот извештај на Агенцијата за недвижности Фортон МКА. Во истиот период се зголемил и бројот на станови кои се уште се ви фаза на изградба и тоа за 7,3%, од кои поголемиот дел планирано е целосно да бидат завршени годинава.  Во однос на цените на новите станови, просечната цена во Скопје се намалила за 11% во споредба со првата половина од лани, но и при намалени цени сепак, во истиот период, дури 31% од новоизградените станови остнале непродадени. Мометалната состојба на понуда и побарувачка доведува до заклучок дека градежните компании допрва треба да ја реализираат продажбата. Од друга страна, кризата се уште има големо влијание врз одлуките на граѓаните за купување стан, што прави тешко да се предвиди иднината на станбената изградба во Македонија. Искуствата од регионот покажуваат дека речиси секаде, по силната градежна експанзија, која почна пред три години, а беше помогната од државни субвенции за станбени кредити, следуваше пад на станбената изградба. Со воведување на проектот за субвенционирани станбени кредити и во земјава, Владата се обидува да го одржи растот на градежништвото, кое од 25,6% пред три години се намали на 10,6% во четвртиот квартал лани. „ Во  изминатите четири години на светска економска криза, единствено во Македонија од сите земји во Европа градежништвото покажа константно позитивни резултати, и не само тоа, туку имаме и двоцифрени стапки на раст како онаа што беше остварена  во претходната 2011 година. Верувам дека и податоците за 2012 ќе го потврдат тоа“, потенцираше неодамна министерот за финансии Зоран Ставрески. С.Н