Градежните компании немаат специјализиран кадар за енергетска ефикасност
Објавено во: Македонија 13 Мај, 2013
Најголем дел од градежните компании во Македонија немаат кадар што е специјализиран за енергетска ефикасност. Анкетата спроведена меѓу компаниите од овој сектор покажува дека 67 отсто од нив немаат луѓе за оваа намена.
На денешната прес-конференција во Стопанската комора на Македонија беше истакнато дека во Македонија има четири и пол илјади компании во градежниот сектор, но оти во ниедна од нив не постои специјализација за енергетска ефикасност и за обновливи извори на енергија.
- Анкетата што беше направена меѓу градежните компании покажа дека 67 отсто од нив немаaт кадар што е специјализиран за енергетска ефикасност, истакна Јадранка Аризанкова. Ова, според неа, покажува дека треба да се дефинираат кадрите што натаму треба да бидат обучувани.
Од Комората оценуваат дека доколку се применат препораките за примена на мерки за воведување енергетска ефикасност и обновливи извори на енергија, ќе се зголеми побарувачката на работна сила за минимум 10 илјади работници, а максимум за 14.400 работници.
- Според податоците на Агенцијата за вработување во овој сектор има 12.978 невработени лица, од кои 876 се поврзани со високоградба. Иницијативата на ЕУ за подобрување на енергетската ефикасност во градежниот сектор има цел да ја дефинира постојната состојба и да даде патоказ за дополнителни квалификации на занимања во градежниството, рече Ирена Боцевска од Стопанската комора.
За воведување на мерките на енергетска ефикасност, според проекциите за остварување на енергетските цели во секторот високоградба, потребно е обука на минимум 9.600 работници во 23 градежни занимања.
Се планира пет нови професии да влезат во националната квалификација на професии како клучни во градежниот сектор, кој во моментот недостигаат и во кои треба да се спроведат обуки.
До 2018 година Македонија треба да направи заштеда на енергија од девет проценти во споредба со потрошувачката во 2002 - 2006. Според Стратегијата за развој на енергијата до 2030 година, пак, овој процент треба да изнесува 14,5 проценти.
Можеби ќе ве интересира
„Со издвојувањето на Албанија од Македонија всушност поттикнува меѓуетнички тензии и можен конфликт“: Најчевска со сериозни забелешки
„Родилката е примена завчера, со прснат водењак“: директорот на болницата во Куманово вели истрагата ќе покаже што се случи
РОДИЛКА ПОЧИНА ВО КУМАНОВО: нова трагедија во македонските болници
ТРИ РЕСТОРАНИ И МЕСАРНИЦА ОД КАВАДАРЦИ ДОБИЈА ВИСОКИ ПАРИЧНИ КАЗНИ - продавале небезбедна храна
„ИМА ПРОВОКАЦИИ КОН ПРЕМИЕРОТ И КОН МЕНЕ“: Муцнски за односите со Бугарија вели „нема да навлезам во политичката кампања“
„Дали Орбан и по промената на власта смета дека Груевски овде не може да добие фер судење“: професор Спасов со поразлични прашања до гостинот
„Оф мори мајко!!! Колку е среќна“: Ванковска со посебен осврт за средбата на нашата претседателка со претседателот на САД
ГОЛЕМА ПРОМЕНА НА ВРЕМЕТО ОД НЕДЕЛА: дождови, силен ветер, но и голем пад на температурите најавува Попоски
„Тоа што Османи прифатил да бидат ставени Бугарите во Уставот на Македонија може да биде резултат на поткуп“: Најчевска вели договорот нема правна обврзност
