Градежниците ја окупираа Комерцијална банка
Објавено во: Економија 15 Мај, 2018
Двајца нови членови на Надзорниот одбор од градежниот сектор ќе влезат во Комерцијална банка.
Ова стана јасно од предлог одлуките на банката која извести за тоа преку Македонска берза.
Ванчо Чифлиганец и Фатмир Етеми се двајцата градежни магнати кои се предложени за членови на НО по предлог на Комерцијална банка. Тоа значи дека тие ќе вршат надзор над работата на банката а одлука за нивниот избор во Надзорниот одбор треба да донесе Собранието на акционери закажано за 14 јуни годинава.
Чифлиганец е на чело на компанијата „Адора Инженеринг“ додека Етеми е сопственик на компанијата ЗСФ-КОМ ДООЕЛ.
Градежна компанија „Адора Инженеринг“ минатата среда вложи 219,2 милиони денари односно 3,55 милиони евра во акции со право на глас во Комерцијална банка.
„Адора“ во средата докупи 52.189 акции со право на глас и со претходните акции што ги поседуваше стана сопственик на 7,19 отсто од сите акции со право на глас во една од двете најголеми домашни банки.
Чифлиганец предложен за член на Надзорниот одбор на Комерцијална банка АД Скопје
КОЈ Е ЕТЕМИ ФАТМИР кој Комерцијална банка го предлага за член на Надзорниот одбор?