Градоначалникот на Охрид ја опиша ситуацијата со авионот: Човек во такви ситуации губи чувство за време
Објавено во: Македонија 09 Јули, 2019
Константин Георгиевски, градоначалникот на Охрид, синоќа како гостин во студиото на 24 Вести ги опиша непријатностите со кои се соочил кога авион на „Туркиш ерлајнс“ наместо да слета на скопскиот аеродром одлучил да се врати во Истанбул.
- Стигнавме блиску до аеродромот, имаше невреме, авионот почна да кружи и се обиде да пристапи во неколку наврати. Имаше поприлично турбуленции и грмотевици. Не беше пријатно и пилотот донесе одлука да се врати. Сигурно целата драма траеше 45 минути, иако човек во такви ситуации губи чувство за време но не беше толку драматично како што некои го опишуваа тоа, рече Георгиевски.
Тој пред три дена се враќаше од самитот на УНЕСКО во Баку, каде беше решавано за статусот на Охрид, а од Македонски навигации соопштија дека пилотот бил опслужен со сите потребни информации и сам донел независна одлука да се врати во Истанбул.