ГРАФИКА: 20 најбрзо растечки економии во 2015 година

Добивај вести на Viber

Растечките економии во Азија и Африка продолжуваат да се на врвот на светските прогнози за растот во следните две години. Се очекува светот да забележи раст на БДП од 3,2% во 2015 година и 3,7% во 2016 година, откако забележа раст од 3,3% во последните две години, покажува истражувањето на Bloomberg меѓу економистите. Кина, Филипини, Кенија, Индија и Индонезија кои заедно се одговорни за околу 16% од светскиот бруто домашен производ, очекуваат раст со повеќе од %% во 2015 година За споредба САД и Велика Британија, кои заедно се одговорни за околу една четвртина од светскиот БДП, се очекува да одбележат раст од 3,1% и 2,6%, соодветно оваа година. Еврозоната најверојатно ќе регистрира раст од само 1,2%. Претседателот на Европската централна банка Марио Драги се занимава со загрозената Грција и се ангажира со програма за квантитативни олеснувања, во обид да ја стимулира економијата на регионот. Кина останува земјата од Г-20 со највисок раст, иако азиската економија веќе не се проширува со темпото од пред неколку години. Кинеската економија порасна со 7,3% во последниот квартал на 2014 година во однос на претходната година и се очекува да се забави до 7% во 2015 година. За да запре ова доцнење, Централната банка на Кина ги зголемува паричните стимулации. Банката ја намали основната каматна стапка во ноември за прв пат од 2012 година. Овој месец банкарите ги намалија со 0,50 процентни поени минималните задолжителни резерви на банките, како дел од депозитите. Нигерија е најголемата економија во Африка и се очекува да забележи раст од 4,9% оваа година. Економијата на Кенија најверојатно ќе се зголеми со 6% во 2015 година, иако невработеноста и нивото на сиромаштија останува на повисоки нивоа. Над 40% од Кенијците живеат под прагот на сиромаштијата. Прогнозата за растот на САД за оваа година гравитира околу 3%, иако доларот достигна највисоко ниво за повеќе од десет години. Со обновувањето на растот Федералните резерви на САД размислува дали да не се подигне основната каматна стапка за прв пат од 2006 година. Од декември 2008 година таа стои на вредност блиска до нула. K.K.