Добивај вести на Viber
Околу 40% од светското население денес има интернет конекција. Само дваесет години порано, во 1995 година, овој процент беше помалку од 1%, покажуваат податоците на Меѓународната унија за телекомуникации и Одделот за население на Обединетите нации.
Бројот на интернет корисниците е зголемен за 10 пати за периодот меѓу 1999 и 2013 година. Првиот милијардити корисник е достигнат во 2005 година, вториот - во 2010 година, а третиот - само 4 години подоцна.
Во 2014 година речиси 75% (2,1 милијарди лица) од сите интернет корисници во светот живееле во првите 20 земји во рангирањето со најголема интернет потрошувачка. Останатите 25% (0,7 милијарди лица) се распределени меѓу останале 178 држави, а секоја од нив претставува помалку од 1% од сите корисници.
Кон 01 јули 2013 година речиси половина од светската интернет потрошувачка доаѓа од Азија - 48,4%. Кина, државата со најмногу корисници (642 милиони луѓе во 2014 година), претставува речиси 22% од целиот обем на потрошувачка и има повеќе корисници од следните три земји заедно - САД, Индија и Јапонија. Меѓу останатите 20 земји на чело во рангирањето Индија е државата со најниска покриеност - само 19%, но и со највисоко годишно темпо на раст. Со спротивен тренд се САД, Германија, Франција, Велика Британија и Канада, каде што над 80% од населението има интернет конекција (дома преку компјутер или мобилен уред).
Во Европа лидери се Шведска и Исланд, каде интернет корисниците се соодветно 89,1% и 96,5% од населението.
K.K.