ГРАФИКА: Истекувањето на грчкиот капитал

Добивај вести на Viber

Откако Грција и европските кредитори ја изведоа земјата на опасен пат кон непознатото, започнува билансот за економските штети како последица на една година политички немири и авантуризам, коментира BloombergView. Кои се последиците станува јасно претежно од истекот на капиталот: во 12-те месеци до мај барем 64 милијарди евра приватни средства ја напуштиле земјата, што е повеќе од една третина од годишното економско производство на Грција. Според податоците на грчката централна банка, која ја претставува обврската за секое евро, кое го напушта банкарскиот систем, инвеститорите и штедачите почнаа да ги повлекуваат своите пари во средината на 2014 година - малку по победата на левичарската партија СИРИЗА на изборите за пратеници за Европскиот парламент која зададе насока кон судир со доверителите. Одливот на средства нагло се зголемило во јануари, кога коалицијата предводена од СИРИЗА, ја презеде власта во Грција со ветувања за крај на мерките за штедење и отстранување на некои од долговите на земјата. Одливот покажува колку сериозно колапсот на Грција ја поткопува заедничката валута. Овозможувајќи им на инвеститорите да ја прифатат можноста една земја од еврозоната да се врати кон девалвирачката своја национална валута, европските лидери ги зацементираа сомнежите за идната поддршка на Унијата кон секој член кој ќе западне во финансиски тешкотии, нанесувајќи штета врз имиџот на економските предности на монетарната унија. Дури и ако Грција успее да се договори со доверителите, ги отвори банките и ја запре конторлата на капитал, Европа ќе треба да помине долг пат за да ја закрепне потрошената доверба. Обработка: К.К. Извор: Bloomberg