Графикa на денот: Полоша ли е кризата во Грција од Големата депресија во САД?

Добивај вести на Viber

Економија е во состојба на безредие. Луѓе останаа без работа со години. Банките немаат пари. Сето ова многу наликува на Големата депресија во САД. Но, во случајот станува збор за Грција, а во некои односи - ситуацијата е дури полоша, коментира The New York Times.

"Грција во моментов ја доживува својата Голема депресија. Но за разлика од САД нема да може да се врати толку брзо ", вели Јакоб фанки Киркегард, економист во „Peterson Institute for International Economics“ во Вашингтон.

Грција "е оковано од тешки правила и прописи, постаро население и нефункционален внатрешен политички систем", додава тој, а земјата "дели важни елементи од својот суверенитет со своите кредитори".

Трошоците на владата му помогна на САД да излезе од Големата депресија, почнувајќи од 1933 година. Иако економијата потона назад во рецесија во 1937 година, почетокот на Втората светска војна и високите воени трошоци и помогнаа на земјата да се врати засекогаш.

Грција нема сопствена валута откако се приклучи на еврозоната, а неефикасната бирократија долго време не успева да ја подобри наплатата на даноците или да обезбеди помош од Европа.

Американската влада и помогна на експанзијата на пазарот на трудот во 30-тите како излеа милијарди долари за работни места во јавниот сектор. На позадината на мрачната финансиска слика невработеноста во Грција останува исклучително висока, така што невработените во земјата се повеќе од 25%, а невработеноста меѓу младите достигна 50%.

Откако загуби милијарди долари во црниот петок - 29 октомври 1929 година, пазарот во САД започна незапирливо да се движи надолу. Неколку години подоцна, сепак почна да се опоравува. Нестабилноста во Грција, која започна за време на светската финансиска криза во 2008 година, продолжува, а инвеститорите остануваат претпазливи во однос на перспективите пред земјата.