ГРАФИКА: На што се должи економскиот успех на Полска

Добивај вести на Viber

Полската економија порасна значително во последните две децении. Стандардот на живот (во однос на БДП по глава на жител) се удвои во текот на последните 20 години, а овој процес беше забрзан по влегувањето на земјата во Европската унија во 2004 година. Постојат голем број на фактори кои стојат зад највпечатливиот успех на Полска: - Длабоките структурни реформи во почетокот на 90-те кои ги елиминираа повеќето неефикасни политики на тогашната централно планирана економија на Полска, наследена од нејзиното комунистичко минато. Оваа забрзана трансформација на земјата ја претвори во отворена, слободна пазарна економија. - Умереноста на платите и релативно стабилна бизнис средина, која привлече значителни странски инвестиции; - Милијарди евра од структурните фондови на Европската унија, кои придонесоа за подобрување на инфраструктурата на Полска, и нејзиниот човечки и продуктивен капитал. Економскиот успех на Полска е импресивен, но минатите достигнувања не гарантираат истото ниво на економска експанзија и во иднина. Како што може да се види на графиконот подолу, моделот на раст, кој го аргументира успехот на Полска силно се потпира на нискиот до среден опсег технолошки сектор со релативно висок удел на ниско квалификуваната работна сила. Тоа ја соочува земјата пред ризикот од таканаречената "стапица на просечните примања", при кој продуктивноста на одредена земја (и нејзиниот животен стандард) стагнира на средно ниво. За да се избегне овој ризик и да стане држава со висок приход и општество базирано на знаење, Полска треба да ги спроведе реформите поврзани со: - Зголемување на трошоците за развој и истражување; - Создавање на поволна бизнис средина за иновации; - Натамошно подобрување на капиталните вештини на човекот; - Привлекување на високотехнолошки производствени инвестиции. К.К.