ГРАФИКА: Најголемите увозници на оружјето од иднината

Добивај вести на Viber

Иако бизнисот со беспилотни авиони е во подем, тој сеуште претставува само 0,3% од светската трговија со оружје. Помеѓу 2010 година и 2014 година 35 различни земји низ целиот свет увезле слични системи, со што вкупниот број на испораките на беспилотни дронови достигнува 439. Сепак, само 11 од нив биле вооружени. Тие биле извезени од САД и Кина - САД имаат донесено шест MQ-9 Reapers за Велика Британија за употреба во Авганистан, додека Кина ги извезе останатите пет во Нигерија, за да ги интензивира напорите на земјата во борбата при судирите со Боко Харам. Се очекува на пазарот за вооружени беспилотни дронови да се зголеми откако САД неодамна најавија дека ќе започнат да ги продаваат вооружените дронови Predator и Reaper за пријателски и сојузнички држави. Пред тоа, Велика Британија беше единствената земја на која и беше дозволено да купува американски беспилотни авиони со оружје, а во последните пет години таа стана најголемиот увозник на беспилотни дронови во светот. Велика Британија учествува со 34 отсто од увозот на беспилотни летала помеѓу 2010 година и 2014 година. Во прилог на овие шест вооружени летала Reapers Велика Британија исто така внела 55 беспилотни дрони од Израел. Од 1985 година Израел ги извезол поголемиот дел од беспилотни авиони во светот, околу 60,7% од вкупниот извоз во целиот свет, надминувајќи ги САД, кои имаат учество со 23,9% од пазарот. Во однос на увозниците Индија го зазема второто место по Велика Британија, со увоз на 13,2% од дроновите помеѓу 2010 година и 2014 година.   K.K.