ГРАФИКА: Ова се бизнис гигантите за 2015

Добивај вести на Viber

Четири кинески банки ја предводат 13-тата годишна листа на магазинот Forbes Global 2000, која ги подредува најголемите и највлијателните јавни претпријатија во светот. За прв пат Кина е татковина на четирите најголеми компании во светот, а зазема 5 места од првите 10 втора година по ред. Критериумите на рангирањето вклучуваат продажба, профит, средства и пазарна капитализација. Компаниите кои спаѓаат во Global 2000 генерираат вкупни приходи во износ од 39 трилиони долари, добивка од 3 трилиони долари, имаат средства за 162 трилиони долари и 48 трилиони долари пазарна капитализација во 2015 година. Вкупната пазарна капитализација се зголеми за 9% за една година, што е најсилниот раст меѓу четирите показатели. Петте топ компании во овогодинешното рангирање се: Industrial & Commercial Bank of China (ICBC), Кина - Банки China Construction Bank, Кина - Банки Agricultural Bank of China, Кина - Банки Bank of China, Кина - Банки Berkshire Hathaway, САД - конгломерат Топ 10 се дополнува со JPMorgan Chase (САД), Exxon Mobil (САД), PetroChina (Кина), General Electric (САД) и Wells Fargo (САД). Благодарение на растечкиот пазар и силното инвеститорско пребарување за бумот на глобалниот пазар на ИПО (IPO) додаде најмалку 20 големи нови имиња во рангирањето. Поконкретно, азиските компании ги заземаат водечките позиции во привлекување на капитал, како што е понудата на alibaba - најголемото IPO во светот. По новите засилувања прават впечаток Dalian Wanda Commercial Properties (сопственост на најбогатиот Кинез Ванг Дзиенлин), Electronic Arts, Nippon Paint (најголемиот производител на бои во Азија), Expedia, Axel Springer, Amorepacific (најголемата козметичка компанија во Јужна Кореја) и Tiffany & Co. Меѓу компаниите кои напредуваат силно во рангирањето е Facebook. Социјалната мрежа отскокнува напред со над 200 локации во овогодинешното рангирање благодарение на зголемените приходи и профит. Силно се искачуваат нагоре исто така и American Airlines, Starbucks и Monster Beverage. Според земјата најмногу компании се од САД - 579, Кина (вклучувајќи го Хонгконг) - 232, Јапонија - 218, Велика Британија - 94 и Јужна Кореја - 66. Дистрибуција на најголемите компании во светот по држави:   К.К.