Граѓаните на ЕУ немаат заштеди

Добивај вести на Viber

Приближно една третина од граѓаните на Европската унија немаат заштеди, а половина од граѓани на Италија и на Шпанија сега живеат со „парите за црни денови“, заштедени претходно, покажа истражувањето на Би-Би-Си.

На прво место по бројот на граѓани со заштеди е Луксембург (89 отсто), а на последно е Романија (48 проценти).

Приближно половина од граѓаните на ЕУ изјавуваат дека можат да живеат со своите лични средства едвај три месеци, ако престанат да добиваат други приходи. За други 47 проценти од Европејците нивните заштеди нема да им стигнат дури ни за едно тромесечје.

Најзадоволни од големината на своите банкарски сметки се луѓето во Холандија и Германија, соодветно 47 и 46 проценти од вкупниот број на населението.

Најнезадоволни се Чесите, следени од Италијанците и Шпанците.

Во моментов Европејците се принудени да ги ограничуваат своите трошоци. Така на пример, две третини од граѓаните на ЕУ се жалат дека за една третина ги намалиле своите трошоци за облека, козметика и културен живот и забава. Нивните расходи за образование и медицински грижи, меѓутоа, останале практично на нивото до кризата.

Истражувањето е направено на нарачка од холандската банка ИНГ и од германската агенција.