Добивај вести на Viber
Иако се нудат по ниски цени сите во Загреб се плашат да купат одземени станови и вили кои стојат празни. Во повеќе наврати била распишана аукција на кој се нуделе станови во центарот на главниот град на Хрватска, уметнички слики со голема вредност, вили со базени, купувачи воопшто и немало. Не станува збор за висока цена, бидејќи почетната цена на тој вреден имот била скоро симболична.
Многу атрактивни станови и куќи се дел од листата на конфискуван имот во судските процеси кои во изминатите години се воделе во Хрватска чии сопственици биле дилери на дрога, поранешни даночници кои ја измамиле државата или генерали вмешани во бројни афери.
Имотот вреден милион евра со години чека нови сопственици. Таков е случајот со луксузниот стан на генералот Влаидмир Загорац во Загреб, станот на докторот Драги Рубал, кој ги средувал лажните пензии и вилата на Жељко Калебиќ, кој тргувал со дрога.
Замрзнат е и имотот на поранешниот хрватски премиер Иво Санадер, а судбината на становите ќе се знае по правосилната пресуда во бројните судски процеси кои се водат против него.