Фото: Граѓаните ги избраа идејните решенија за уредување на дојранските плажи

Добивај вести на Viber

Министерството за транспорт и врски  објави дека заврши анкетата на која граѓаните можеа да гласаат за девет идејни решенија за уредување четири плажи на Преспанското Езеро и пет на Дојранското Езеро заврши.

Согласно резултатите од електронското гласање, за идејно решение за плажите Граница, Титови пионери, Калдрма, Карач, Градска плажа и Стара Мрдаја на Дојранско Езеро, од вкупно 1.492 гласови, првото идејно доби 49 проценти. Второто решение освои 19 проценти од гласовите,  за третото се дадени 2 проценти од гласовите, а за четвртото и петтото по 12 односно 18 проценти од вкупниот број гласови.

За плажите Коњско, Претор, Крани, Отешево и Сливница на Преспанско Езеро, од вкупно 1.919 гласови, првото идејно решение  доби 2 проценти, второто доби 44 проценти, третото 45, а за четвртото се дадени 9 проценти од вкупниот број гласови.

Сите идејно архитектонско - урбанистички решенија за уредување плажи можат да се видат на интернет страницата на Министерството за транспорт и врски www.mtc.gov.mk

Во наредниот период Министерството ќе донесе решение за доделување прва и втора награда, како и за откуп на останатите идејни решенија.

Опфатени се локациите на Дојранското Езеро: „Граница Николиќ“, со должина од 100 метри „Калдрма“ – 200 метри, „Карач“ – 100 метри, плажа кај одмаралиште „Титови Пионери“ - 150, „Стара Мрдаја“ – 400 метри и плажите бр. 7,8,9 и 10 во централното градско подрачје со вкупна должина од 400 метри.

На Преспанско Езеро се опфатени локациите: „Крани“ со должина од 500 метри, „Отешево“ – 100 метри, „Коњско“ – 200 метри, „Сливница“ – 100 метри и „Претор“ во централното подрачје со должина од 500 метри.

На плажите е потребно да има планирана песочна површина која би се изнивелирала и попесочила со соодветен автохтон песок, да се почитува постојното зеленило и да се дооформи со автохтони видови, хортикултурно и партерно да се уреди со поставување клупи, фонтани за вода за пиење, детски игралишта, пешачки патеки од монтажно – демонтажни материјали. Сервисниот пункт на плажите треба да има шанк со кабина за музика со спецификација на опрема, место за озвучување, санитарен јазол, тушеви, соблекувални, прирачна остава за чадори, лежалки и други реквизити. Треба да биде обележан просторот за капење во езерото заради заштита на капачите од пловни објекти и да се предвиди место за служба за спасување, а местото за седење на спасителот да се осмисли во духот на целата плажа. На плажата треба да се предвидат и места за информативни паноа, безжичен интернет и други погодности за забава и престој.