28 Јануари, 2023
0.0279

Граѓаните си сакаат државна работа – зошто приватниот сектор не им е омилен?

Објавено во: Економија 24 Јануари, 2023

Добивај вести на Viber

Бројни анкети кои се правени во земјава неколку години по ред, покажуваат дека македонските граѓани најмногу сакаат да работат во државен сектор.

За нив приватниот сектор не е атрактивен, затоа што сметаат дека приватните компании не нудат сигурност, високи плати и добри услови за работа. Повеќето граѓани би биле среќни кога тие или нивните деца би работеле во државно. Велат дека државната работа има многу предности. Додаваат дека во приватен сектор работниците не секогаш целосно ги искористуваат деновите за годишен одмор, а сметаат и дека има манипулации поврзани со исплатата на К-15.

„Во државно е поубаво за разлика од приватно. И да те избркаат, ќе тужиш, а во приватен сектор од денес за утре може да те избркаат и да ти речат да не доаѓаш на работа“, вели граѓанка.

Друг наш соговорник објаснува дека работниците во приватниот сектор се оставени на цедило. Наведува примери дека млади луѓе оделе на работа во приватни фирми, а потоа газдите не им исплатиле плата.

„Подобро е во државно, за стаж, за пензија во иднина, буквално за сè. Најдобро е да си пиете вода од државна чешма. Од тоа нема подобро“, вели Стојанче Спасевски, граѓанин.

Државно си е државно, се сложуваат граѓаните.

„Има многу проблеми во приватните фирми. Во приватен сектор работникот може да работи во сабота, недела, по 10, 12 часа на ден, така што не ми се допаѓа приватно, а во државно е посигурно“, рече Јовица Ивановски, граѓанин.

Но, сретнавме и граѓанка која работи во приватен сектор и е задоволна. Таа вели дека има приватни компании кои ги ценат работниците и тоа е за поздравување.

Зависи кај кој газда работите. Има газди кои ги чуваат и ги почитуваат добрите работници. Тоа многу ми се допаѓа  и ќе го поздравам.  Во државно, за да влезете ви требаат врски, а никогаш не сум била во партии“, кажа Роза Антевска, граѓанка.

Има истражувања кои укажуваат дека младите сакаат флексибилно работно време, работа од дома, односно да имаат повеќе слободно време.

Тоа мислење за приватниот сектор треба да се менува и мислам дека се менува. Посебно со мерките за самовработување, државата дава по 5.000, 10.000 евра и познавам луѓе кои излегоа од државен сектор, по што почнаа сопствен бизнис“, велат од Фондацијата за развој на мали и средни претпријатија Куманово.

Но, посредниците кои обезбедуваат работа во Хрватска, раскажуваат дека имало примери кога нивни работници наоѓаат работа во јавен сектор и се откажуваат од одење на печалба. Овие примери не се чести, но сепак постојат. Објавени беа и анализи кои укажуваат дека младите или посакуваат работа во јавната администрацијата или да се иселат, а ако станува збор за работа во приватна компанија, би работеле во неколку влијателни компании во земјава. 

Сања Атанасовска

фото freepik.com

Можеби ќе ве интересира

Според Антикорупциска, има неправилности во доделената концесија за индустриската зона во Тетово

Според Антикорупциска, има неправилности во доделената концесија за индустриската зона во Тетово

Кина прави силни напори за да осигура безбедност на индустриските синџири на снабдување

Кина прави силни напори за да осигура безбедност на индустриските синџири на снабдување

Колку гас продала Русија лани на балтичките земји?

Колку гас продала Русија лани на балтичките земји?

Американка со практичен пример објаснува за колку поскапела храната

Американка со практичен пример објаснува за колку поскапела храната

ВИЗЕР, ЛУФТХАНЗА И АЕГЕАН ЕРЛАЈНС ПОБАРАА СУБВЕНЦИИ ЗА АВИОЛИНИИ, надлежните ги разгледуваат барањата

ВИЗЕР, ЛУФТХАНЗА И АЕГЕАН ЕРЛАЈНС ПОБАРАА СУБВЕНЦИИ ЗА АВИОЛИНИИ, надлежните ги разгледуваат барањата

КОЈА Е ВТОРАТА БУГАРСКА ФИРМА ШТО УЧЕСТВУВАШЕ НА ТЕНДЕРОТ ЗА НАБАВКА НА ГАС? - нема лиценца за работа во земјава, а еве и други детали

КОЈА Е ВТОРАТА БУГАРСКА ФИРМА ШТО УЧЕСТВУВАШЕ НА ТЕНДЕРОТ ЗА НАБАВКА НА ГАС? - нема лиценца за работа во земјава, а еве и други детали

НОРВЕШКИТЕ МИЛИЈАРДЕРИ „БЕГААТ“ ВО ШВАЈЦАРИЈА, КИПАР, КАНАДА: Даноците им го „јадат“ богатство

НОРВЕШКИТЕ МИЛИЈАРДЕРИ „БЕГААТ“ ВО ШВАЈЦАРИЈА, КИПАР, КАНАДА: Даноците им го „јадат“ богатство

КРИЗА Е, ПА ШТО: БОГАТИТЕ САКААТ ДА ТРОШАТ ЗА ЛИЧЕН ЛУКСУЗ - продажбата на луксузниот гигант расте и покрај загубите во Кина

КРИЗА Е, ПА ШТО: БОГАТИТЕ САКААТ ДА ТРОШАТ ЗА ЛИЧЕН ЛУКСУЗ - продажбата на луксузниот гигант расте и покрај загубите во Кина

Големо намалување на цените за парно во Сараево

Големо намалување на цените за парно во Сараево