Грција е под закана од нов бран тужби

Добивај вести на Viber

Две години по земањето помош и ставање под контрола на долгот,  Грција се соочува со бран од тужби од страна на приватни инвеститори во судовите во Германија. Германската Асоцијација за заштита на сопствениците на хартии од вредност (DSW) очекува колективни тужби против грчката држава кои ќе бидат доставени во 80 окружни судови, објави Асоцијацијата во Дизелдорф. DSW одамна се залага против отпишување на долгот на Атина. Од првичните 4.000 регистрирани приватни инвеститори во моментов сеуште засегнати се околу 1000, кои допрва ќе одлучуваат како да постапат. Целта е да се врати долгот по однос на грчките обврзници на тужителите, вели портпаролот на DSW. Побарувања можат да ги поднесат сепак само оние инвеститори кои не дале согласност за нивно отпишување. Според европските директиви такви активности се можни во татковината на тужителите. Независно од планираниот број колективни барање, асоцијацијата досега поднела десетина барања во различни судови. Просечната сума на инвестициите кај овие баратели е околу 25 000 евра, појаснуваат од германската организација.