Грција ја добива првата фабрика за електрични автомобили

Добивај вести на Viber

Грчкиот претприемач Танасис Лазанас планира да инвестира до 100 милиони евра во грчката економија, при што неговиот главен проект е изградба на фабрика за електрични возила.

Лазанас дозволата од General Motors за производство на мини електрична верзија на Hummer ја доби во 2014 година. Неговата идејата беше мал број автомобили да бидат тестирани во Азија, а подоцна да се појават на улиците на Европа .

Toj преструктурирал многу претпријатија пред да го купи Arclif, компанија преку која планира да ја создаде првата фабрика за електрични автомобили во Грција.

Семејството на Лазанас е од Патра, но тој е роден и израснат во Германија. Тој работел во Форд, но дал отказ две недели пред колапсот од Lehman Brothers.

Денес тој го произведува MEV Hummer HX во Кина кои чинат по 19.000 евра. Во 2014 година, тој имал разговори и со турската влада.

"Ми беше кажано дека преселувањето во Турција може да ми предизвика одредени ризици.Затоа почнав сериозно да размислувам за Грција ", рече тој.

Кинеската фабрика го презела производството на MEV возилата, една од многуте подружници на Arclif Group.

"Ние произведуваме само по добивање на нарачка. Истото ќе го сториме и во Грција, но верувам дека можеме да достигнеме до 2.000 автомобили годишно, а потоа и до 10.000", додаде Лазанас.

Познавајќи го ризикот од инвестирање во Грција, Лазанас ќе ги прошири своите 100 милиони евра и на други пазари надвор од електричните автомобили, како што се локалните стартапи, имот, фармацевтски производи, козметика и информатичка технологија.