Грција парализирана од генералниот штрајк на синдикатите

Добивај вести на Viber

Грција е парализирана поради генералниот штрајк на синдикатите. Возовите се запрени, а во болниците се примаат само итни случаи. Четвртиот генерален штрајк во земјата е одговор на владините планови за отпуштање на илјадници вработени во јавниот сектор.

Додека меѓународните кредитори бараа земјата да спроведе реформа на јавниот сектор и да отпушта работници за да заштеди пари, овие резови предизвикаа гнев кај Грците бидејќи стапката на невработеност се приближува кон 30%.

Над 30.000 демонстранти се собраа пред грчкиот Парламент и извикуваа „Без повеќе принесување жртви“ и „Изгорете ја тројката“.Ошштините се затворени, јавниот транспорт закочен поради штрајкот на возачите на автобуси и тролејбуси. Проблеми има и во авио сообраќајот, но главно кај домашните летови. Штрајкуваат и службите за јавна чистота, банкарски службеници, новинарите.

„Продолжуваме со борбата за окончување на политиката која ги уништува вработените и ја води економијата кон уште подлабока рецесија“, соопшти синдикатот на вработените во приватниот сектор GSEE.

И жлезничкиот сообраќај меѓу Македонија и Грција е во прекин до 24 часот.

Штрајкот во Грција се одржува пред утрешното гласање во парламентот за пакетот-закони за ревизија на државниот сектор, што е услов за давање на помошта од меѓународните кредитори.