Добивај вести на Viber
Србија до 2018 година може да ги исполни сите услови за да стане членка на Европската унија, смета Ели Мамона од грчкото Министерство за надворешни работи.
Мамона, која е експерт за правни прашања во грчкото МНР, за Танјуг нагласила дека оваа цел не е неостварлива док0лку се има волја и подготвеност за работа.
„Никој во овој момент не може да гарантира дека Србија ќе ги заврши сите работи до 2018, но ако сакате да работите и верувате дека можете да го постигнете она што сакате, ќе го забрзате тој процес“, рекла таа.
По најавите на новиот претседател на Европската комисија Жан-Клод Јункер дека во наредните пет години нема да има прием на нови земји-членки во Европската унија, Мамона истакнала дека во ЕУ во моментот постојат две струи - една која се залага дека е потребна консолидација на постојните сили, но и друга која верува дека Унијата ќе биде посилна доколку го шири своето семејство.