Грците кои имаат базен, автомобил или авион – ќе плаќаат скап данок на луксуз

Добивај вести на Viber

Поскапе данокот на луксуз за Грците, известувањата веќе стигниваат до засегнатите граѓани. Како што јавија грчките медиуми, дополнителна сума пари ќе даваат сопственици на поголеи автомобили, оние кои имаат базени, едрилици, хеликоптери и авиони. Така, Грците кои имаат автомобил чиј мотор има зафатнина над 1.929 кубика, ќе плаќаат такса за луксуз на крајот на годината и тоа од 5 до 10 отсто од реалната вредност.Грците пак што имаат понов автомобил со 1929 кубици ќе плаќаат 418,7о евра, а оние со капацитет до 3000 ќе треба да издвојат 1.780 евра. Таксата не важи за возилата постари од 10 години. Грците пак кои имаат базени, ќе двојат за данок сума од 10 отсто од вредноста на базенот. Со данокот на луксуз треба да влезат над 100 милиони евра годишно во државниот буџет. Данокот на луксуз првпат беше воведен во 2011 година како еднократна давачка, но од тогаш тој е двојно зголемен. Сега е се поизвесно дека ќе остане како постојана давачка во Грција.