Грешка во преводот или обид за договор: Порошенко му предложил на Путин да го земе Донбас

Добивај вести на Viber

„Тој (Порошенко) ми кажа директно: Земете го Донбас“, а јас му одговорив: Ти полуде ли? Не ми е потребен Донбас. Ако на вас не ви е потребен, прогласете ја неговата независност“. Тоа го раскажал Владимир Путин на 19 март на затворена средба за новинарите со претставниците на Унијата на индустријалци и претприемачи (РСИП), соопшти руското издание „Форбс“.

Рускиот претседател во разговорот со украинскиот колега на средбата на 11-12 февруари во Минск во „нормандски формат“ (лидерите на Русија, Германија, Франција и Украина), завршила со потпишување на примирје меѓу Киев и проруски сили.

Според очевидци Путин објаснил дека Петро Порошенко сакал Москва да ги преземе социјалните плаќања во Донбас, но дека не може да прогласи независност.

„Овие нешта (плаќања) може да бидат ако регионот е дел од Русија, но додека е дел од Украина, плаќањата треба да се преземат од Киев“, одговорил рускиот претседател.

По повод напишаното од „Форбс“ портпаролот на украинското МНР Евхен Перебинис напишал на „Твитер“ дека неправилно е разбран глаголот, користен од Порошенко. „Забиратеса" (отстранувајте се) од Донбас не значи „забирате“ (земајте) Донбас, прецизирал тој.

Кремљ одби да даде коментар по објавувањето на пораката од страна на Евхен.

Во исто време Окружниот административен суд во Киев пресуди дека Украина мора да продолжи да плаќа пензии и помош во Донбас, запрени во ноември 2014-та.

Вчера Порошенко потврди дека е подготвен за референдум за угледот на Украина, посочувајќи дека 90% од граѓаните се за зачувување на интегритетот. Тој беше категоричен дека децентрализацијата нема ништо заедничко со федерализацијата.