Грција чека, големите сили кројат планови како да и го намалат долгот

Добивај вести на Viber

И денеска министрите за финансии од еврозоната ќе дискутираат за Грција откако минатата недела не постигнаа договор со извршниот директор на Меѓународниот монетарен фонд Кристин Лагард за тоа како да го намалат грчкиот долг. Еврогрупата викендов одржа и телефонска конференција на која биле формулирани предлози за технички аспекти за стабилизирањето на грчкиот долг на среден рок. Предлозите вклучуваат намалување на каматите на билатералните заеми, кои и беа дадени на Грција во првата етапа од финансиската помош и укинување на новитекамати. Предложено е и на Грција да и се дадат делумно приходите кои ЕЦБ и централните банки на земјите од еврозоната ќе ги добијат од грчките хартии од вредност, а се предлага и дел од грчкиот долг да биде купен на секундарниот пазар на стабилизациските фондови на еврозоната. Во текот на годинава на Грција веќе и беа отпишани околу сто милијарди евра од нејзиниот долг кон приватните кредитори. Земјата неколку месеци чека да ја добие следната транша од финансиската помош од 31,5 милијарди евра, ако сака да избегне банкрот.