Добивај вести на Viber
Во Грција денеска ќе се одржи генерален штрајк. Земјата ќе биде целосно парализирана поради новиот генерален штрајк против владините мерки за штедење. Ова е 20-ти по ред генерален штрајк откако Грција влезе во криза, а втор за овој месец.
Ќе штрајкуваат адвокатите, нотарите, аптекарите, лекарите, просветните работници, контролорите на летови, таксистите и возачите на траекти, а поддршка ќе им дадат и новинарите. Планирани се маршови во центарот на Атина, но се спремаат протести и во другите грчки градови.
Работниците на железницата веќе одлучија да стапат во штрајк, што значи дека нема да сообраќат ниту возовите, а таксистите соопштиле дека ќе се повлечат од улиците во периодот од 8 до 17 часот. И авиосообраќајот ќе биде запрен на некое време оти контролорите на летови нема да работат од 10 до 13 часот.