Грција ги уверува туристите дека банкарската блокада нема да ги засегне

Добивај вести на Viber

Властите во Грција побрзаа од почетокот на неделава да го заштитат туризмот - едно од ретките ветувачки места во економијата - и ги уверија туристите дека одморот нема да им биде засегнат од банкарските ограничувања.

Ограничувањето за влечење од банкомат на 60 евра на ден важи за грчките банкарски картички, но не и за оние од други земји.

Некои како 22 годишната Американка Џејми Бојацис, велат дека не знаат многу што се случува, но и не се срамат особено дека нешто може да влијае и да им пропадне одморот.

Големите германски туроператори велат дека засега не регистрираат проблеми. Локалните хотелиери објаснуваат дека е премногу рано да се почувствува некаков ефект меѓу гостите.

Некои компании во Грција се пожалија дека нема да можат да ги исплатат платите или давачките и се принудени да престанат со увозот. Туристичкото Министерство рече дека не очекува гостите на земјата да трпат - ниту на островите, ниту на континентот, бидејќи има доволно гориво, производи и услуги.

Јанис Рецос, шеф на Здружението на хотелиери од Атина, вели дека откако се изнесоа што точно ќе бидат мерките посетителите нема да настрадаат од контролата на капиталот. Во моментов се си оди, како и досега, додава тој.

Од германскиот оператор TUI рекоа во понеделникот дека не се погодени и дека Грција останува една од најпопуларните дестинации. "За нашите клиенти кризата не е проблем", рече портпаролот на компанијата.

Британската "Томас Кук" препорачува патниците да земат повеќе евра и тоа во ситни банкноти, но истакнува дека Грција останува "многу вредна". "Изглегувањето на Грција од еврозоната би имало мал ефект врз туристите кои веќе направиле резервации кај нас, бидејќи сите припејд услуги се обезбедени што се однесуав до " Томас Кук ", се вели во пораката.