Добивај вести на Viber
Пристигнатите бегалци во Грција оваа недела ќе достигнат 1 милион.
Досега кај јужниот сосед поминале 996 885 лица. Ова го соопшти официјалниот претставник на Меѓународната организација за миграција. Во земјата се наоѓаат над 45 000 мигранти,
а на границата меѓу Грција и Македонија има околу 13 000 луѓе. Од почетокот на оваа година во Европа во Медитеранот пристигнале 152 000 мигранти и бегалци, а 456 лица се загинати или исчезнати. Само за два дена, од 11 до 13 март во Грција пристигнале 4.000 лица.
Во меѓувреме, грчкиот премиер Алексис Ципрас за првпат призна јавно,
дека балканската рута е конечно затворена за мигранти. Тоа се случи пред една недела, кога Словенија, Хрватска, Србија и Македонија ги затворија своите граници. Вчера австрискиот канцелар, Вернер Фејман повика истото да го направи и Бугарија , односно побара сите алтернативни правци за бегалци да бидат затворени.