Грција испрати автобуси по бегалците во Идомени
Објавено во: Балкан 25 Март, 2016
Грчките власти испратија 20-тина автобуси во импровизираниот логор во Идомени (Сухово) недалеку од македонската граница.
Тие треба да ги евакуираат мигрантите кон внатрешноста на земјата и да ги сместат во официјалните прифатни центри.
Според Атина во кампот во Сухово има околу 12 000 лица.
На почетокот на овој месец Македонија конечно ја затвори границата со Грција, а за време на самитот на ЕУ-Турција на 7 март таканаречениот Балкански пат беше официјално затворен.
Недела потоа на 14 март потпомогнати од вработени на НВО близу 2.500 лица упаднаа на територијата на Република Македонија. Мигрантите беа пречекани од армијата и полицајци од европските земји, кои ги вратија назад во Грција.