Грција ја доби првата транша, дали Ципрас ќе поднесе оставка

Добивај вести на Viber

Европскиот стабилизационен механизам (ЕСМ) и ја префрлил на Грција првата транша од 13 милијарди евра од меѓународната финансиска помош, соопшти прес-службата на Фондот, цитирана од агенциите.

Уште 10 милијарди од првата транша ќе бидат префрлени на посебна сметка за рекапитализација на грчките банки.

Други три милијарди од првата транша во вкупна вредност 26 милијарди евра ќе бидат доделени до октомври.

Од своја страна Атина вратила 3,4 милијарди евра долг кон Европската централна банка (ЕЦБ), чиј рок на достасување е денес, соопшти Франс прес, повикувајќи се на извор близок до владата.

Во меѓувреме, во самата Грција се посилно се коментира дека е можно денес премиерот Алексис Ципрас да поднесе оставка на кабинетот. Ова ќе значи дека и грчкиот парламент ќе биде распуштен веднаш и ќе се движи кон експресни предвремени избори.

Се очекува во текот на денот Ципрас да го посети претседателот на Грција, Павлопулос и да објави официјална оставка на владата. Во овој случај претседателот е должен да ја започне постапката на прелиминарни мандати, со што најверојатен датум за избори се споменува 20 септември, и не се исклучува и датумот 13 истиот месец.