Добивај вести на Viber
Забрзување на планираната приватизација предвидува новиот нацрт-меморандум за разбирање меѓу Атина и меѓународните кредитори. Во зависност од проектот рокот за приватизација ќе биде забрзан меѓу три и шест месеци, пишува грчкиот весник “Катимерини“. Приватизацијата на операторот на железничкиот сообраќа, на Државната поштенска компанија, на организацијата за коњски трки, на Меѓународниот аеродром во Атина и на други компании се очекува да почне неколку месеци порано од планираното.
Се очекува приватизацијата на поштенската служба да почне во првото тромесечие на 2013 година, наместо во второто како што беше планирано претходно.
Процедурата за продажбата на пристаништата и регионалните аеродроми е скратена за три месеци, а приватизацијата на аеродромот во Атина ќе започне шест месеци порано.