Грција полека излегува од кризата, невработеноста сеуште на високо ниво

Добивај вести на Viber

Бруталната рецесија која ја одведе Грција до работ на социјален распад, и се закани да ја истурка Атина надвор од еврозоната, конечно дојде до својот крај, но опоравувањето нема наскоро да ја олесни осакатувачката стапка на невработеност,вели во интервју за канадскиот весник „Глоуб енд мејл“, грчкиот министер за финансии, Јанис Стурнарас. Според Стурнарас растот ќе се врати барем во последната четвртина од годинава, и ќе продолжи во 2014, кога ќе им дојде крајот на строгите мерки за штедење кои високо ја покачија стапката на невработеност, и ја намалија куповната моќ на грчките семејства. „На годишна основа, годинава очекуваме позитиви знаци, но може да добиеме позитивен развој на настаните дури во последната четвртина од годинава“, рече тој. 56-годишниот Стурнарас е министер за финансии веќе шест месеци, и ги потенцира растечкиот бизнис оптимизам, крајот на туристичката суша, подобрената конкурентност и стабилните владини финансии за неговиот оптимизам. Владата во јануари успеа да создаде примарна позитива, а тоа е кога приходите ќе ги надминат трошоците, но само ако се откаже исплатата на каматите. Стурнарас рече дека досега се отпуштени над 300.000 административци, поголемиот дел од нив преку отпремнини, со што вкупната бројка достигна 650.000. Се очекува други 75.000 да бидат отпуштени до 2015, додека програмата за штедење го меле својот пат низ системот. Неговите предвидувања за економскиот пресврт за крајот на годинава не го делат некои економисти, па дури ни гувернерот на Банката на Грција, Џорџ Провопулос. Всушност, Провопулос не очекува пресврт во последната четвртина, и стравува дека спородвижечката програма на реформи во Грција ќе влијае врз најбавните опоравувања. Тој очекува раст некаде во 2014, ако се остварат опстојните економски реформи, како што се ослободување на пазарите и занаетите.