Грција продолжува со приватизацијата на пристаништето во Пиреја

Добивај вести на Viber

Грција ја деблокира приватизацијата на пристаништето во Пиреја, а владата во Атина побара обврзувачки понуди од компаниите кандидати за купување на 51 отсто од акциите на пристаништето, соопштуваат грчките медиуми, цитирани од агенциите.

Од минатата година за втората фаза на тендерот се пласираа кинеската Cosco и уште четири други компании. Продажбата на пристаништето сепак беше запрена поради изборите во земјата, кои ја доведоа на власт владата на СИРИЗА и водачот Алексис Ципрас.

Владиниот портпарол ги известил инвеститорите во врска со приспособена покана за доставување на понуди, која предвидува купување на 51 отсто наместо 67 отсто, како удел што првично беше предложен за приватизација.

Во моментов само три од петте компании продолжуваат да одржуваат интерес за купување на пристаништето Пиреја. Тоа се кинеската Cosco, холандската ARM и седиште на Филипините Container Terminal Services. Станува збор за приватизација на 51 отсто од акциите на пристаништето со перспектива овој удел да достигне 67 отсто во следните пет години, ако бидат инвестирани 300 милиони евра.

Плановите на грчката влада се тендерот да биде распишан кон крајот на септември - почетокот на октомври.

Приватизацијата на пристаништето во Пиреја се случува во момент кога новата грчка влада се обидува да обезбеди дополнителни средства од спасувачката програма за земјата, за што се договори во почетокот на годината.

Атина изјави подготвеност да ги ревидира плановите за продажба на државните средства на земјата под услов дека државата ќе продолжи да учествува во секоја приватизациска зделка.

Меѓународните кредитори бараат од Грција Владата да ја забрза распродажбата на овие средства, ако сака да добие пристап до преостанатите 7,2 милијарди евра од последната спасувачка транша.