Грција се надева на договор со кредиторите
Објавено во: Балкан, Економија 19 Мај, 2015
Грција и кредиторите ќе постигнат договор до крајот на следната недела, прогнозира министерот за финансии на Грција, Јанис Варуфакис во интервју за телевизијата „Star“.
Од своја страна премиерот Алексис Ципрас вети идниот договор да не вклучува намалување на пензиите. Во тоа време владата соопшти дека Атина има можност да исплаќа плати во јавниот сектор и за пензиите само до крајот на месец мај.
Варуфакис изјавил дека договорот е многу блиску и категорично нема опција Грција да ја напушти еврозоната. Меѓу најпроблематичните области во преговорите се пензиските реформи, дерегулацијата на пазарот на трудот и вработувањето на 4 илјади државни службеници.
Од почетокот на месец јули Грција треба да започне да ги плаќа обврските за државните обврзници кои ги држи ЕЦБ. Нивната вкупна вредност е 27 милијарди евра, кои изгледаат премногу за Атина во сегашната ситуација.