Грција трга раце од државните компании, се олеснува приватизацијата во земјата

Добивај вести на Viber

Гласањето во грчкиот Парламент за нацрт-законот за приватизација му донесе голема загуба на владиното мнозинство, пишува весникoт „Етнос“. По долгата и сложена процедура на гласање пратениците го усвоија нацрт-законот со 148 гласови „за“ од тројната коалиција, која располага со 179 пратеници , а 139 пратеници гласаа „против“. Законот за приватизација, предложен од владеачката коалиција на премиерот Андонис Самарас, го укина задолжителното учество на државата во дел од клучните државни компании и предвидува победниците на тендерите за приватизација да бидат избирани од специјална агенција, а не од Парламентот, како досега. Потребата од нови поедноставни правила за приватизацијата дојде како резултат на слабите досегашни резултати. Имено,  од мај 2010 година Грција успеала да собере едвај околу 1,6 милијарди евра од продажба на државни имоти. Затоа сега,  наместо планираните 19 милијарди евра до крајот на 2015 година, може да смета на околу 11 милијарди до крајот на 2016.