РКЕ го намали надоместокот за мрежарина за електрична енергија
Објавено во: Економија 05 Декември, 2025 12:37
Регулаторната комисија за енергетика го намали надоместокот за користење на електродистрибутивниот систем на ЕВН Електродистрибуција ДООЕЛ за 3,64 отсто, беше соопштено денес,но тоа не значи дека ќе се намали крајната цена што од 1 јануари 2026 ќе ја донесе универзалниот снабдувач ЕВн Хоме.
Регулаторот извести дека се намалува и надоместокот за користење на преносниот систем МЕПСО за 2,67%, а намалување има и кај цената на операторот на пазарот на електрична енергија МЕМО од 3,40 %.
„Со денешната одлука, сите елементи кои ја сочинуваат крајната цена се познати: цена и количина по која е набавена електричната енергија, услугите на мрежните оператори, затворени се и набавките за загуби. Сега останува универзалниот снабдувач – ЕВН ХОМЕ, под наш надзор да направи пресметка и да се објават финалните цени по блокови. Делот што РКЕ го регулира во крајната цена има влијание од околу 36 %.“ изјави Марко Бислимоски, претседател на РКЕ.
Надоместокот за користење на електродистрибутивниот систем во крајната цена учествува само со околу 33%, додека надоместокот за користење за преносниот систем учествува со околу 4% во крајна цена и цената на МЕМО е со незначително учество од околу 0,19 % во крајната цена .
Сепак од 1 јануари 2026 се очекува зголемување на цената на струјата за домаќинствата за домаќинствата и малите потрошувачи, бидејќи најголемиот производител ЕСМ ќе му ја продава електричната енергија на ЕВН Хоме за 65 евра по мегаватчас, наместо досегашните 62 евра.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПРЕДНОВОГОДИШНО РИПНАЛЕ ЦЕНИТЕ НА УГОСТИТЕЛСКИТЕ УСЛУГИ: Еве што покажува статистиката
ОД 11 ДЕКЕМВРИ НЕМА ПОВЕЌЕ ВОЗ НА ДЕЛНИЦАТА СКОПЈЕ-ЗЕЛЕНИКОВО: Почнува реконструкцијата на пругата
ДОЦНА НАВЕЧЕР СЕ ПОТПИШУВАА РЕШЕНИЈА: Субвенции за набавка на клима уреди во Скопје
КУПИЛ ДВЕ НАПУШТЕНИ ШТИПСКИ СЕЛА: Косовски бизнисмен бара од Владата да ја гради најголемата фотоцентрала
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
