Добивај вести на Viber
Нема да дојде до криза во снабдувањето со нафта во Македонија, е оценката на министерот за финансии на Македонија, Зоран Ставревски, откако денеска ОКТА најави можна криза во снабдувањето како резултат на царинската одлука на рафинеријата да и се одземат лиценците за увоз и извоз на нафта.
„Не очекувам никаква криза во однос на снабдувањето со нафта или било што во таа насока. Се разбира има увозници, кои што ќе го компензираат ова и ќе обезбедат доволно снабдување на нафтениот пазар", изјави Ставрески.
Ставрески потенцираше дека и покрај тоа што Царинската управа ги одзеде одобренијата на Окта за поедноставен увоз и извоз на нафта сепак состојбите и анализите направени од управата говорат дека до криза нема да дојде.
Од компанијата Окта, пак соопштија дека ќе вложат напори за непречено снабдување на пазарот, но предупредија дека одлуката на Царинската управа може има влијанеие во нормалното снабдување на нафтени деривати и во Македонија и во Косово.