ГРУЕВСКИ СО ПОЗДРАВИ ОД БУДИМПЕШТА: И праќа порака на власта да го одржува автопатот Скопје-Штип
Објавено во: Македонија 05 Јули, 2019
Поранешниот премиер кој во моментов ужива бегалски статус во Унгарија преку социјалните мрежи им фаќа сеир на актуелните функционери.
Тој преку статус на социјалната мрежа Фејсбук прашува како е новиот автопат Скопје-Штип притоа нарекувајќи ги функционерите на власт јога мајстори.
Груевски истакнува дека се радува , како што наведува што оваа “главна артерија” за источна Македонија се заврши.
-Требаше да е готов до крајот на 2017 година, ама што од неспособност и неработење на актуелните функционери, се еден до еден “јога мајстори”, што од желба да направат перцепција дека над две години нешто божем многу работеле овие експертиве за држење говори на промоции на туѓи проекти и кај нас во земјата и низ соседните држави, го “влечкаа” завршувањето на автопатот до скоро. За да можат и тие нешто да прослават- пишува Груевски.
На крајот од постот Груевски со три фотографии праќа поздрави од Будимпешта и ѝ порачува на владеачката гарнитура да се потруди да го одржува автопатот потенцирајќи: „Немој кога ќе се вратам да го видам упропастен!“.