Груевски: Со среќа за „Кемет“, добредојде за „Сименс“, „Филипс“, „Нокиа„ …

Добивај вести на Viber

Присуството на „Кемет Електроникс“ е од извонредно значење за Македонија, оти може да донесе и нови брендови рече премиерот Груевски на официјалното отворање на денешната фабрика за електронски производи. Според него, од особено значење за Македонија е тоа што „Кемет електроникс“ е еден од најголемите светски брендови за изработка на високософистицирани производи кои се користат во речиси сите електронски уреди. - Присуството на „Кемет“ во Македонија претставува и своевидна покана за многу други фирми со кои соработува меѓу кои се ХП, „Сименс“, „Филипс“, „Нокиа“, „Бош“, „Ериксон“, „Алкател“, „Моторола“, „Циско“ и многу други. Верувам дека голем број од нив ќе го следат примерот на „Кемет електроникс“ и ќе ја разгледаат Македонија како своја следна дестинација, рече премиерот и додаде дека Владата е тука да им овозможи што полесни услови за бизнис, ниски даноци, намалени трошоци, кратки процедури и сето она што претставува интерес на компаниите и нивните менаџменти. Изградбата на „Кемет електроникс“ чинеше 20 милиони долари, а се отворија сто нови работни места.