Груби потврди дека приказните за кантонизација и бинационалност се измислици
Објавено во: Македонија 28 Март, 2017
ДУИ не се залага за кантонизација, за бинационалност или поделба на државата, изјави пратеникот од ДУИ, Артан Груби.
Тој вели дека сите тие муабети за кантонизација и федерализација се измислици, а ДУИ за тоа не се залага.
Вели дека политичката декларација е направена во Скопје и таа е за европска Македонија за сите граѓани. Груби додава дека сите точки од декларацијата се од програмите на партиите на Албанците.
„Дебатата за државните симболи ја отворија македонските партии. Во Собранието во 2014-та година зборувавме за промена на грбот“ -рече Груби.
Тој кажа дека изјавите на претседател Ѓорге Иванов се невистинити и дека Законот за употреба на јазиците е во согласност со Уставот.
Илија Димовски од ВМРО-ДПМНЕ побара да го извадат документот и да се види колку чинел пазарот.