ГТЦ во барок, архитектите во шок

Добивај вести на Viber

Барокот кој стигна и до Градскиот Трговски центар и натера архитектите на реакција против последните најави за менување и на оваа фасад. Од Асоцијацијата на Архитекти на Македонија за вечерва упатија повик за средба во нивните простории, поради потребата од реакција на предложената интервенција на ГТЦ. Авторот на ГТЦ, побара  неговото дело- Градскиот Трговски Центар да не се менува. Против барокниот изглед на ГТЦ и се дуќанџиите кои се сигурни дека затворањето на трговскиот центар кој сега има улога и на премин од едната на друга страна, ќе го намали прометот. Инаку досега имаше неколку неуспешни обиди за избор на идејно решение за нова фасада и надгрдба на ГТЦ. Еден од конкурсите беше поништен поради тоа што пристигна само еден проект кој предвидуваше футуристички изглед на ГТЦ. На последниот конкурс имаше пристигнато четири труда, три беа македонски, а едно странско идејно решение. Тогаш еден од авторите понуди  современа архитектура, двајца стаклена надворешност, а четвртиот, комбинација од барок и класицизам. Но и овој конкурс беше поништен, поради одредени недостатоци во самите проекти.