H & M, Zara и Mango компаниите кои брзаат да ја окупираат Европа

Добивај вести на Viber

H & M, Zara и Mango - ова се првите 3 глобални трговски компании кои имаат најмногу агресивна стратегија за експанзија во Европа во 2015 година, покажуваат податоците на консултантската компанија JLL. Компанијата е истражувала 57 градови на Стариот континент, кои се најатрактивни за глобалните трговски компании. Во изминатите години највидливо е зајакнувањето на присуството во големите градови на H & M. Централна и Источна Европа како целина е по привлечен пазар за глобалните трговци, се наведува во извештајот. Најомилен се докажува Киев, и покрај конфликтот во Украина во моментов, Белград, Загреб, Анкара, Братислава и Букурешт. Топ 10 глобалните трговски синџири, кои имаат сериозни планови за проширување на европскиот пазар, ги вклучува уште The Body Shop, Benetton, Lush, Hugo Boss, Diesel, Tommy Hilfiger и Timberland. Меѓу водечките 25 компании се најдоа и синџирот кафетерии Starbucks, синџирот за спортски артикли Adidas, производителот на луксузни стоки Louis Vuitton, синџирот на облека Max Mara, Apple и други. Најмногу префериран од глобалните трговски компании оваа година е Лондон. Вториот најатрактивните град за трговците е Париз, а Москва останува на третото место, и покрај санкциите против Русија и нестабилната политичка средина. Другиот водечки руски град, привлечен за светските брендови, е Санкт Петербург, кој ја зазема 12-та позиција во рангирањето. Лондон, Париз, Москва, Милано и Рим се најмногу претпочинати и од трговците во луксузниот сегмент. Во првата десетка спаѓаат Милано, Мадрид, Рим, Истанбул, Минхен, Берлин и Барселона. На дното на листата се Белфаст, Нотингем, Хелсинки, Малме и Гетеборг. Компанијата истакнува во извештајот за 2015 година дека нема сомнение дека економските услови во Европа се подобруваат. "Довербата на потрошувачите, БДП и продажбата на мало се во многу подобра состојба отколку што беа пред 2 години", посочуваат експертите. Водечките градови на Европа продолжуваат да демонстрираат отпорност на секакви циклични и структурни промени. Тоа привлекува нови жители и туристи, што пак е предуслов за уште по активен развој на трговијата. Истовремено глобалните компании плаќаат највисоки кирии во Париз, Цирих и Лондон. Најактивни на пазарот се трговците од САД, проследено со италијанските брендови. Третата позиција е за британските компании, а четвртата и петтата - соодветно за германските и француските. На шестото место по активност се малопродажните синџири од Шпанија. Вкупно 13 од испитаните 25 светски синџири покриваат 80% од испитаните од компанијата пазари. За споредба, пред две години нивниот број беше 9. Истовремено бројот на трговците кои присуствуваат на под 20 отсто од пазарите, е намален до 35 отсто од испитаните компании наспроти 43 проценти во 2012 година За многу од трговците најпретпочитаниот пат за проширување е франшиза, особено на пазарите во развој, кои се и поризични. К.К.