Халк Банка АД Скопје партнер на Ракометниот Камп “Кирил Лазаров 7”

Добивај вести на Viber

Халк Банка АД Скопје како Банка која покажува голем интерес и поддршка за спортот во земјава уште еднаш даде свој придонес  за развојот на спортот и здравите навики , особено кај помладите генерации.

Поддршката на еден настан како што  беше Ракометниот Камп “Кирил  Лазаров 7”  кој заврши на 30 јуни 2016 година, е уште еден успешен проект за развој и поттикнување на спортот и поддршка на спортските таленти во земјава , зад кој стои Халк Банка  АД Скопје како спонзор-партнер на истиот.

 Најдобриот македонски спортист, Кирил Лазаров, по втор пат оваа година во организација на агенцијата КМГ Спорт го промовираше својот ракометен камп „Кирил Лазаров 7“.

Кампот се одржа во хотел „Аквалина“ во Охрид,  во две смени од 17-23 и 24-30 Јуни, а учесниците на кампот беа деца од Македонија, но и од девет други земји меѓу кои  Босна и Херцеговина, Србија, Франција, Шведска, Исланд, Данска, Словенија, Црна Гора и Романија.

‘’Ни претставува особено задоволство да бидеме дел од ваков проект  на чело со еден од најистакнатите  спортисти во земјава , Кире Лазаров, каде освен селекција на млади и надежни играчи, особено внимание се посветува на надградба во делот на спортот, едукација за здрава исхрана и спортски бон-тон”, порачуваат од Халк Банка.

Покрај финансиската поддршка на кампот, Халк Банка им подари и симболични подароци на децата- учесници кои го прославија својот роденден за време на кампот –детски штедни книшки со почетен влог со цел стимулација на детското штедење.

Ова претставувува уште еден  исклучително значаен општествено-одговорен подвиг , а поддршката од институциите  и партнерите како Халк Банка  е  особено значајна за реализација на истите.