ХАОС ВО НА АЕРОДРОМИТЕ: Пилотите на Луфтханза со штрајк по неуспешните преговори со раководството за зголемување на платите
Објавено во: Економија 01 Септември, 2022 08:48
Пилотите на германската авиокомпанија Луфтханза најавија штрајк за петок, откако не постигнаа договор за платите со раководството, објави Синдикатот на пилотите.
Најавениот штрајк дополнително ќе ја усложни ситуацијата на европските аеродроми кои летово се во хаос поради недостигот на персонал, големиот број патници и честите штрајкови на вработените.
Синдикатот на пилотите (Vereinigung Cockpit, VC) изјави дека преговорите за платата пропаднале и најавија дека штрајкот ќе ги вклучи пилотите во превозот на патници и карго на сите летови на Луфтханза од Германија.
Веќе ова лето, штрајковите и недостигот на персонал ги принудија авиокомпаниите, вклучително и Луфтханза, да откажат илјадници летови и да предизвикаат часови одложувања, фрустрирајќи ги туристите желни да патуваат во пресрет на пандемијата со „Ковид-19“.
VC за повеќе од 5.000 пилоти бара зголемување на платите за 5, отсто оваа година и раст прилагоден на инфлацијата потоа.
„И денес не добивме доволна понуда. Ова е пропуштена шанса“, изјави портпаролот на синдикатот Матијас Баер.
Минатиот месец, раководството на Луфтханза постигна договор за зголемување на платите на персоналот на земјата, откако нивниот штрајк ја принуди компанијата да откаже повеќе од 1.000 летови.
Можеби ќе ве интересира
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
ЕБОР: Рекордно ниско ниво на лоши кредити во Централна, Источна и Југоисточна Европа
На бензинските пумпи се појави нов вид гориво: Ќе се испорачуваат со „розови пиштоли“, а ќе може да се користи во сите автомобили
Планирате патување на одмор? Овие аеродроми во Европа ќе штрајкуваат до крајот на годината
Германија ги заострува условите за социјална помош
Руски министер кажа колкав процент од БДП потрошиле за војната во Украина
(ВИДЕО) АВСТРАЛИЈАНЕЦ СЕДУМ ГОДИНИ СОБИРАЛ АМБАЛАЖА: Заштедил за куќа
Колку дозволи издаде Хрватска за македонски работници?
