ХАОТИЧНИ ИЗЈАВИ: Нафтата останува под 40 долари за барел

Добивај вести на Viber

Цените на нафтата благо пораснаа бидејќи Кувајт соопшти дека договорот за замрзнување на производството уште би можел да биде постигнат и покрај спротивните изјави на главните актери.

Меѓутоа, аналитичарите сметаат дека опоравувањето веројатно нема да потрае поради тешката ситуација со преголемата понуда и слаба побарувачка до која доведе забавувањето на светската економија.

Американската „лесна“ нафта WTI за испорака во мај скокнала 97 центи (2,7 одсто) на 36,86 долари за барел, а сировата нафта „брент“ за јунски испораки се искачила за 68 центи (1,8 одсто) на 38,55 долари.

Двата типа на нафта вчера доцна попладне почнаа да бележат раст, но цените и понатаму се далеку под нивото од 40 долари достигнато минатиот месец на крилата на надежта дека водечките произведувачи ќе постигнат договор за ограничување на продукцијата на состанокот во Доха на 17 април.

Цените на оваа сировина почнаа да тонат минатиот петок, после изјавата на саудискиот принц престолонаследник Мохамед бин Саламам дека неговата земја ќе се согласи на лимитирање на производството само ако ривалските произведувачи, како што е Иран, го прифатат истото.

Ирак, кој го зголемува производството после јануарското укинување на сакнциите воведени поради нуклеарнот програм на Техеран, инсистира на тоа дека таа земја не треба да биде меѓу оние кои ќе го лимитираат пумпањето на „црното злато“.

Кувајт, соопшти дека договорот за замрзнување на производството може да се случи и без Техеран.

Рик Спинер , главниот пазарен аналитичар во компанијата „CMC Markets“ во Сиднеј, вели дека трговците веројатно ќе ги почекаат резултатите од состанокот отколку да прават големи обложувања.

„Со оглед на хаотичните изјави... луѓето тие (изјави) веројатно само ќе ги игнорираат додека не ги погледнат резултатите од состанокот“, рекол Спинер во телефонска изјава за АФП.