Хари Костов вложи над 60.000 евра во акции на Комерцијална банка: Убав сигнал по објавата за дивидендата

Добивај вести на Viber

Нов убав сигнал за инвеститорите на Комерцијална банка. Ден откако банката извести дека поделбата на дивидендата нема да се случи по акционерското собрание, туку откако Народната банка ќе ја тргне времената забрна за поделба, денеска од банката известија дека Хари Костов, Главниот извршен директор и Претседател на Управниот одбор, се стекнал со 500 обични акции издадени од Комерцијална банка АД Скопје.

Со овој потег Хари Костов вложува практично над 63.000 евра во банката чиј директор е повеќе од 20 години. 

Инаку на почетокот на минатиот месец односно на 2 февруари Хари Костов волжи објави дека купил 1.000 акции во Комерцијална банка чија пазарна вредност надинува 120.000 евра.

И тогаш пишувавме дека неговото вложување, како човек кој има долго искуство и високо квалификувана експертиза во светото на финансиите, секако дека ќе биде охрабрувачки сигнал за малите акционери да вложуваат во таа акција или во најмала рака да не ги продаваат своите акции. Сега потегот на Костов може да се протолкува како сигнал дека дивиденда ќе има. 

Како што веќе пишувавме „Комерцијална банка“ лани годината ја заврши со одлични резултати од работењето. Повеќе детали за финансиските резултати на „Комерцијална банка“ на следниот линк https://faktor.mk/zoshto-raste-cenata-na-akcijata-na-komercijalna-banka

Комерцијална банка АД Скопје не се откажува од поделбата на дивидендата од ланската добивка, но ќе ја испочитува Народната банка која привремено забрани банките да делат дивиденди годинава.