Хашим Тачи добивал смртни закани од лидерот на „Исламска држава“
Објавено во: Балкан 04 Февруари, 2016
Министерот за надворешни работи на Косово и поранешен премиер Хашим Тачи изјави дека добил смртна закана најверојатно од лидерот на "Исламска држава" поради опозицијата против групата.
"Тоа беше закана за животот на мене и моето семејство", рекол Тачи во интервју за АФП.
Косовски сајт објави претходно оваа недела детали околу писмото, добиено во 2014 година, во времето кога Тачи се уште е премиер. Тоа било потпишано од Абу Бакр ал Багдади - лидерот на "Исламска држава" и во него Тачи е повикан да се откаже од посветеноста на Косово кон Западот или ќе се соочи со "голема одмазда".
Тачи, кој најверојатно ќе стане претседател по изборите на крајот од оваа година, потврди дека добивал писмо со закани од Багдади додавајќи исто така, дека тој "нема да попушти пред никакви закани" во борбата против исламскиот фундаментализам.
Околу 300 лица од Косово им се приклучиле на џихадистите на територијата на Ирак и Сирија во последниве години. Покрај население од 1,8 милиони луѓе тоа е најголемиот број на луѓе по глава на жител за цела Европа.
Според податоците на косовската Влада сепак во моментов само околу 70 луѓе се борат.
Тачи е поранешен лидер на Ослободителната војска на Косово (ОВК) - бунтовничка албанска група за време на војната 1998-1999 година против српските сили на диктаторот Слободан Милошевиќ.
Армијата на Милошевиќ, која извршуваше етничко чистење на локалното албанско население, се повлече од областа по 11-неделни бомбардирања на НАТО и во 2008 година Тачи прогласи независност на Косово од Белград. До сега повеќе од 100 држави го признаа суверенитетот на најмладата балканска земја.
Во 2011 година, Советот на Европа го обвини Тачи за управувањето на организирана криминална мрежа за време и по војната, која е одговорна за убиства, трговија со дрога и човечки органи.
"Мојот живот беше загрозен од Милошевиќ и сега од" Исламска држава "... Со истите сојузници со кои ја освоив битката против Милошевиќ, ќе ка освојам и оваа против" Исламска држава ", рече Тачи за време на регионална конференција за безбедност во Приштина.
Косово се надева да влезе во ЕУ а Тачи предупреди дека секое забавување на интеграцијата на балканските земји во блокот "отвора место" за Русија, исламскиот фундаментализам и национализмот во регионот.
Можеби ќе ве интересира
ВУЧИЌ ЗА АМАНДМАНИТЕ КОИ ГИ ПОДНЕСЕ ЦРНА ГОРА НА РЕЗОЛУЦИЈАТА ЗА СРЕБРЕНИЦА: Тоа е валкана игра и перфиден трик
КРАДЕЛ НА ПЕЛОПОНЕЗ: Уапсен е македонски државјанин со „богато“ криминално досие
ГЕРАПЕТРИТИС: Граѓаните на Северна Македонија не би сакале да ги стават во опасност односите со Грција
ЛИДЕРОТ НА СИРИЗА ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
ПОЛИЦИЈАТА ЗАПЛЕНИ СЕКИРА И НОЖ: Четиринаесетгодишно девојче од Црна Гора планирало терористички напад во Грац
Поради Рамштајн цените за сместување во Белград отидоа до небо! Ноќевање на некои места достигнува и до 80 000 динари, ден по концертот истите едвај се 5000
АТЕНТАТОРОТ ГОРД НА СВОЈОТ ЧИН: Поетот кој пукаше во премиерот на Словачка изведен пред суд
Мицотакис со уште една порака до Новата Влада за името Северна Македонија: Еве што порача
„Поминавме седум километри за еден час“: Ако патувате кон Халкидики-подгответе се за хаос + еве како да го избегнете сообраќајниот колапс
