ХЕМАТОМ НАД ОКОТО И ЗАД УВОТО, МОДРИНКИ ПО ВРАТОТ: Брутално претепано 8-годишно дете од цела група врсници, насилството трае со години

Добивај вести на Viber

Осумгодишно момче беше брутално претепано од група негови врсници во игротека во Врање на роденденска забава, а насилството трае подолго време, тврди мајката.

Јелена Ѓ. наведува дека насилството врз нејзиниот син започнало во прво одделение, прво вербално, нарекувајќи го „буцко“ и „дебело“, поради што малото момче почнало да не јаде.

„Од почетокот го навредуваа, го нарекуваа со погрдни имиња, а кога едно дете ќе почне да се однесува така, целата група продолжува. Јас сум најмладата мајка од сите родители во тој клас, неколку пати се обидов да разговарам со наставничката, но работата излезе од контрола“, рекла мајката.

Вербалното насилство на крајот прераснало во физичко, па еден ден малото момче се вратило дома со модринки на вратот од удари со тупаници. Мајката додава и дека нејзиното синче има проблеми со депресија и дека постојано избегнувахрана поради навреди за килограмите.„Со сопругот отидовме кај училишниот психолог и му објаснивме дека нашето дете има проблем на училиште. Не добивме повратна информација од психологот, а дознавме и дека наставничката не дозволува нашето дете да оди во тоалет“, тврди мајката.

Наведува и дека наставничката се бранела со аргументот „како само твоето дете го тепаат“.

"Мојот син сега има сериозни трауми и стравови, постојано крева раце кога му приоѓам како да се брани од нешто. Сè кулминираше со инцидент во игротеката, кога момчето беше физички малтретирано од цела група деца за време на речиси целата прослава.

View this post on Instagram

A post shared by СТОП Насиљу (@stop_nasilju1)

- Го оставив и излегов по работата и се шокирав кога ми кажа дека го турнале, го удриле и скокнале врз него. Се сокрил во тоалетот, но не можел да го избегне насилството. Работничката во игротеката, кога дојдов да го земам детето, со насмевка ми рече дека се е во ред, освен една мала „закачка“. Меѓутоа, кога инсистирав да ги погледнам снимките од камерите, на ужас открив дека мојот син бил малтретиран два и пол часа - вели Јелена вознемирено и се прашува дали во такви објекти можат да работат луѓе без соодветни квалификации.

Мајката наведува дека случајот го пријавила во полиција и го однела детето на лекар и дека има докази кои потврдуваат дека момчето се здобило со повреди при малтретирањето. Таа на крајот додава дека се обратила и до Министерството за образование и дека нема да се откаже додека не се расчисти случајот и не се казнат одговорните.