ХЕЗБОЛАХ ГО РЕКЕТИРА СЕДИШТЕТО НА МОСАД: Либан е во најопасните фази на копнената офанзива на Израел, ова се деталите

Добивај вести на Viber

Либанскиот премиер Наџиб Микати вели дека неговата земја се соочува со „една од најопасните фази“ во нејзината историја. Микати ова го изјави за време на состанокот на ОН, неколку часа откако израелските војници влегоа во јужен Либан.

Сирените за воздушен напад се огласија во областите околу Тел Авив во Израел. Израелски извори јавуваат дека биле пресретнати најмалку три проектили.

Како што соопшти израелската јавна телевизија КАН, од Либан биле истрелани 10 проектили кон централен Израел, вклучувајќи го и Тел Авив.

Израелската брза помош Маген Дејвид Адом соопшти дека еден маж е повреден и е „свесен, со рана од шрапнел на главата, во умерена состојба“.

Од друга страна, висок израелски функционер за безбедност изјави за Би-Би-Си дека израелските копнени сили влегле во Либан „многу плитко“.

„Ги гаѓаме ракетните рампи на Хезболах, нивната инфраструктура веднаш до селата во северен Израел“, рече официјалниот претставник.

„Не можам да дадам бројки, но можам да ви кажам дека ова не е голема копнена инвазија“, рече претставникот, опишувајќи ја како „ограничена“ и „не како операциите на Израел во Газа“.

Истовремено, Хезболах тврди дека истрелал проектили врз седиштето на израелската разузнавачка агенција Мосад и во воено-разузнавачката единица во предградието на Тел Авив.