Холандски експерти денеска треба да стигнат на местото каде падна авионот MH17
Објавено во: Свет 27 Јули, 2014 12:57
Група од 30 холандски медицински и правни експерти денеска ќе дојдат на местото каде на истокот од Украина паднал малезискиот патнички авион MH17, соопштуваат холандските власти.
- Се очекува дека екипата ќе пристигне во текот на денот - се наведува во соопштението на холандското министерство за правда.
Договорот за доаѓањето на холандските експерти го постигнаа ОБСЕ и проруските бунтовници кои ја држат под контрола зоната каде падна малезискиот авион.
Кабинетот на малезискиот премиер Наџиб Разак денеска исто така соопшти дека со проруските сепаратисти е постигнат договор за доаѓањето на местото на несреќата на припадниците на меѓународната полиција, кои ќе им обезбедат заштита на меѓународните истражувачи.
Авионот со 298 луѓе е соборен на 17 јули на истокот од Украина, над подрачјето каде се водеа жестоки борби помеѓу проруските бунтовници и украинската војска. Никој од патниците и членовите на екипажот не преживеа. Уште не е потврдена причината за падот на авионот.
Можеби ќе ве интересира
Украина добива гаранции од САД слични на Член 5 од НАТО?
(ВИДЕО) Мароко брои жртви, по седум години суша се борат со поплави
(ВИДЕО) Украина тврди дека со подводни дронови погодила руска подморница
Мерц го спореди Путин со Хитлер: „Тој нема да застане“
Терористот од Сиднеј бил член на српски ловечки клуб: „Не сум го видел повеќе години...“
Дали повлекувањето на Украина од НАТО ќе го промени текот на мировните преговори?
Татко и син извршија масакр на плажа во Сиднеј, убиени 16 лица
Бројот на жртви во нападот на плажата Бонди во Сиднеј се искачи на 16, вклучувајќи и дете
